सिद्धार्थ माविमा बालअधिकार र शिक्षा सम्बन्धि तीज गीत प्रतियोगिता

पाल्पा – जिल्लाको माथागढी गाउँपालिका वडा नं. ७ रहबास चिर्तुङ्गमा रहेको सिद्धार्थ माध्यमिक विद्यालयका विद्यार्थीहरुले तीजका गीत मार्फत बालविवाह न्यूनिकरण, बाल अधिकार र शिक्षाको बारेमा बेदना पोखेका छन् ।
विद्यालयको नियमित साप्ताहिक कार्यक्रम अन्तर्गत महिलाहरुको महान पर्व तीजको अवसरमा गरिएको अन्तरसदनात्मक तीज गीतमा विद्यार्थीले बालविवाह रोक्नुपर्ने, बाल अधिकार, शिक्षाको विषयमा गीत प्रस्तुत गरेका छन् । उनीहरुले गीतमा बालबालिका सबैलाई समान रुपमा पठनपाठन गराउनुपर्ने, बालविवाह रोक्नुपर्ने, शिक्षा र समाजका विभेदहरु रोक्न गीतबाटै माग गरेका छन् ।
विद्यालयको चारवटा सदनका ६ टिम सहभागि भएको प्रतियोगितामा बाल अधिकार, शिक्षा, बालविवाह न्यूनिकरण र सामाजिक समस्याका विरुद्धमा गीत र नृत्यप्रस्तुत गरेको विद्यालयका सामाजिक विषय शिक्षक अमृत अधिकारीले बताउनुभयो । विद्यालयमा धौलागिरी, सगरमाथा, माछापुच्छ«े र अन्नपूर्ण गरी चार सदनहरुबाट ६ टिमको सहभागिता रहेको थियो ।
प्रतियोगितामा माछापुच्छे« सदनको कोपिला गाहा, देवकी विक, स्नेहा विक, शलिना विकको समूह प्रथम, धौलागिरी सदनकको क समूहको चन्द्रकला ढेंगा, यमुना राना, सुस्मिता गाहा र अंकिता रानाको समूह दो्िरो, अन्नपूर्ण सदनको उर्मिलाा बराल, हिमालीसरा बारघरे, शुशिला परियार र सपना गाहाको समूह तेस्रो स्थान हासिल गर्न सप्mल भएका थिए ।
विद्यालयको नियमित कार्यक्रम अन्र्गत आन्तरिक प्रतिभा प्रस्फुटन सँगै जनचेतना अभिवृद्धि गर्ने गरी तीजगीतको विषयबस्तुत दिइएको र सोही अनुसारको प्रस्तुती गरेको विद्यालयका सहायक प्रअ लिल बहादुर रानाले बताउनुभयो ।
विजयी प्रतियोगिलाई पुरस्कार तथा टिकाले सम्मान समेत गरिएको थियो । सिद्धार्थ माविले हरेक शुक्रवार अतिरिक्त क्रियाकलापका विभिन्न कार्यक्रमहरु संचालन गर्नै विद्यार्थीहरुलाई आन्तरिक प्रतिभा प्रस्फुटनमा सहयोग गर्दै आइरहेको विद्यालयका प्रअ दिलबहादुर थापाले बताउनुभयो ।