Search

कम्प्युटर एसोसिएसन नेपाल (क्यान महासंघ) पाल्पाको एघारौं वार्षिक साधारण

पाल्पा– कम्प्युटर एसोसिएसन नेपाल महासंघ (क्यान महासंघ) पाल्पाको एघारौं वार्षिक साधारण सभा आइतबार तानसेनमा सम्पन्न भएको छ । सभामा महासंघका केन्द्रिय कार्यवहाक अध्यक्ष सिर्जना श्रेष्ठ प्रमुख अतिथि रहनुभएको थियो । उहाँले अहिलेको समयमा डिजिटल साक्षरता, साइवर सुरक्षा प्रमुख विषय बनेको बताउँदै क्यानले त्पसको लागि सबैसँग सहकार्य गर्न तयार रहेको बताउनुभयो ।

 

प्रमुख अतिथि श्रेष्ठले केन्द्रका चलिरहेका कार्यक्रम, योजनाबारे अवगत गराउँदै सूचना प्रविधि क्षेत्रको विस्तार र प्रर्वद्धनमा क्यान पाल्पासँग सहकार्य र समन्वय गरेर अगाडि बढ्ने प्रतिवद्धता जनाउनुभयो । उहाँले संस्थागत विकास र क्रियाकलापलाई बढाउँदै शाखालाई सक्रिय राख्न सुझाव दिनुभयो ।

 

कार्यक्रममा क्यान महासंघका केन्द्रिय सचिव नारायण श्रेष्ठले सामाजिक क्षेत्रमा क्यानको भूमिका अहिले महत्वपूर्ण रहेको बताउनुभयो । केन्द्रिय सदस्य धु्रवराज शर्मा (सुदिप), लुम्बिनी प्रदेश अध्यक्ष नारायण खनाल लगायतले जिल्ला शाखालाई बलियो बनाउन आर्थिक, नैतिक र भौतिक रूपमा सहयोग गर्न केन्द्र र प्रदेश क्यान तयारी रहेको बताउनुभयो ।

 

साधारण सभामा क्यान पाल्पाका पूर्व अध्यक्षहरू भोजराज भट्टराई, महेश शर्मा, थमन सारु लगायत कार्यसमिति र सूचना प्रविधि क्षेत्रमा आवद्द व्यवसायीहरूको सहभागिता रहेको थियो । क्यान पाल्पाले साइवर क्राइम सम्बन्धी सचेतना, सूचना प्रविधि दिवसमा दिवसीय कार्यक्रम, लागु पदार्थ दुव्र्यसनी सम्बन्धी सचेतना लगायतका सामाजिक कार्यक्रम अगाडि बढाउँदै आएको छ ।

 

सभामा महासंघका अध्यक्ष सुदिप पौडेलको वार्षिक प्रतिवेदन तथा कोषाध्यक्ष गोपाल गैरेद्वारा प्रस्तुत आर्थिक प्रतिवेदन सर्वसम्मतले पारित गरिएको छ ।
क्यान पाल्पाका अध्यक्ष सुदिप शर्मा पौडेलको अध्यक्षतामा सम्पन्न साधारण सभाको सञ्चालन सचिव सुनिता अधिकारीले गर्नुभएको थियो ।

Picture of मेरो समाचार

मेरो समाचार

ताजा अपडेट

Login

कृपया ध्यान दिनुहोस्:

  • अब तपाइले कमेन्ट गर्नका लागि अनिवार्य रजिस्ट्रेसन गर्नुपर्ने छ ।
  • आफ्नो इमेल वा गुगल, फेसबुक र ट्वीटरमार्फत् पनि सजिलै लगइन गर्न सकिने छ ।
  • यदि वास्तविक नामबाट कमेन्ट गर्न चाहनुहुन्न भने डिस्प्ले नेममा सुविधाअनुसारको निकनेम र प्रोफाइल फोटो परिवर्तन गर्नुहोस् अनि ढुक्कले कमेन्ट गर्नहोस्, तपाइको वास्तविक पहिचान गोप्य राखिने छ ।
  • रजिस्ट्रेसनसँगै बन्ने प्रोफाइमा तपाइले गरेका कमेन्ट, रिप्लाई, लाइक/डिसलाइकको एकमुष्ठ बिबरण हेर्नुहोस् ।