१० असोज २०७८
(Sunday 26 September, 2021)

बुटवल । हिन्दु महिलाहरुको महान पर्व हरितालिका तीज नजिकिएसँगै तीजका भाकाहरु घन्किन थालेका छन् । विश्वव्यापी कोरोना महामारीका बीच पनि कलाकारहरुले नयाँ–नयाँ तीज भाकाले दर्शक तथा श्रोताहरुलाई मनोरञ्जन दिन सफल देखिन्छन् । सामान्य समयमा आफूले ल्याएका तीज भाकासहित स्टेजमा उत्रिने कलाकाहरु महामारीले जनजीवन प्रभावित भएपछि घर भित्रै बस्नु परेको छ।

बजारमा आएका नयाँ भाकाहरुले एकपछि अर्को गर्दै यूटुव टेन्डिङ्गमा परिरहेका बेला लोक गायिका विष्णु माझीको तीज भाकाले पनि चर्चा पाएको छ । हरेक वर्ष आउने तीजसँगै नेपाली दर्शक श्रोताहरुले विष्णु माझिको आवाजलाई पर्खिएका हुन्छन् । यसैगरी यो सालको तीजलाई लक्षित गरी गायिका माझीले बजारमा ल्याएको गीत ‘चरी जेलैमा’बोलको भाकाले चर्चा पाएको छ ।

यस गीतलाई स्रोता एवं दर्शकले मौलिकता बोकेको गीत भनेका छन् । तीज संस्कृतिको अन्तर्यलाई झल्काउँदै विवाहित चेलिको वेदनालाई यस गीतमा प्रस्तुत गरिएको छ । खासगरी श्रीमान खराव पर्दा चेलिले पाउने पीडाहरुलाई गीतमा व्यक्त गरिएको छ ।‘पुतलीको भट्टी’ भाग १७ का रुपमा यस गीत ल्याईएको हो ।

यसअघि ‘पुतलीको भट्टी’ भाग १६ सम्म सार्वजनिक भईसकेको छ । सुन्दरमणी अधिकारीको शब्द/संगीत रहेको ‘चरी जेलैमा’मा विनोद बाजुरालीको एरेन्ज, कोरसमा विष्णुलाई महिमा आचार्यले साथ दिएकी छन् । सपना म्युजिक इन्डष्ट्रिजको युट्युबमार्फत सार्वजनिक गीतको भिडियोमा ललिता पौड्यालको अभिनय छ ।

गीतले यतिबेला युट्युब र टीकटकमा निकै चर्चा बटुल्दै गएको छ । ६ दिनअघि सार्वजनिक गीतलाई युट्युबमा करिब लाख पटक हेरिसकिएको छ भने युट्युबमा ८ हजार २ सय बढी प्रतिक्रिया आईसकेका छन् । अधिकांशले पछिल्लो समय नेपाली गितहरुले मौलिकता गुमाउँदै गएको भएपनि यस गितले समाजको यर्थाथतालाई चित्रण गरेको भन्दै गितको प्रशसा व्यक्त गरेका छन् । शम्भु चालिसेको छायाँकन रहेको भिडियोलाई सुजन शाहीले सम्पादन गरेका हुन् ।

प्रतिक्रिया पोस्ट गर्नुहोस्

Your email address will not be published. Required fields are marked *