मनोरन्जन

विद्युत प्राधिकरणमा इनर्जी मिटर अभाव

२८ वैशाख, काठमाडौं । ग्राहकका घरमा जडान गर्ने इनर्जी मिटरको अभाव भएको छ । मिटर अभाव हुँदा अहिले ग्राहकलाई आवश्यक परेको समयमा वितरण गर्न नसकिएको नेपाल विद्युत प्राधिकरणले जनाएको छ ।

भारतबाट ल्याउन लागेको मिटर आइनपुगेका कारण यसको अभाव हुन गएको प्राधिकरणको भनाइ छ ।

मूलतः प्राधिकरणले समयमै मिटर आयात नगरेका कारण पनि यसको अभाव हुन गएको हो ।

प्राधिकरणले आफ्नो साखाहरूमा रहेको मौज्दातबाट ग्राहकलाई मिटर उपलब्ध गराएको छ । तर, सबै साखाहरूमा यस्तो मौज्दात छैन । तर, प्राधिकरणको वितरण तथा ग्राहक सेवा निर्देशनालय प्रमुख हरराज न्यौपाने भने सबै साखामा मिटर अभाव नभएको न्यौपाने दावी गर्छन् ।

आगामी साता/१० दिनमै भारतबाट मिटर आइपुग्ने न्यौपानले बताए ।

Leave a Reply